दूरच्या / परगावच्या विद्यार्थीनींसाठी मोफत पास व ने-आण करण्याची सोय शाळेकडून केली जाते. १ km च्या आत असणाऱ्या विद्यार्थीनींसाठी मोफत सायकल दिली गेली आहे.

ग्रंथालयाचा मूळ उद्देश ज्ञान व माहिती संग्रहण हा असतो.शाळा-महाविद्यालयांना ग्रंथालय महत्त्वाचे व सक्तीचे असते. यामुळे विद्यार्थिनीना संदर्भासहित वाचनाची सवय लागते. आजच्या स्पर्धात्मक जगात, नियमितपणे पुस्तके वाचण्यासाठी, ज्ञान मिळवण्यासाठी विद्यार्थिनीना त्याचा खूप उपयोग होतो. शाळेत 2000 पेक्षा अधिक पुस्तके, सीडी. सह उत्कृष्ट ग्रंथालय सुविधा आहेत आणि 50 हून अधिक नियतकालिके उपलब्ध आहेत.

आजच्या बदलत्या डिजिटलायझेशनच्या काळात कन्या प्रशालेने डिजिटल क्लासरूमची उभारणी केली आहे. हायस्पीड इंटरनेटची जोडणी असणारे डिजिटल क्लासरूम आहे. व्हिडिओ ऑडिओ यांच्या माध्यमातून विद्यार्थीनी या क्लासरूममध्ये अत्याधुनिक पद्धतीने शिकत आहेत. वर्गात कोणत्याही विषयावर सचित्र माहिती उपलब्ध होत असल्याने विद्यार्थीनीना विषय समजून घेणे सोपे जाते. केवळ एक वही आणि एक पेन याच्या आधारे अनेकांनी आपले महाविद्यालयीन शिक्षणाच्या पायऱ्या पूर्ण केल्या असतील. पण आता बदलत्या युगात स्मार्ट क्लासरूम्स आणि त्यातील स्मार्ट विद्यार्थीनी यांचे बदलते चित्र समोर येऊ लागले आहे.

व्यक्तिमत्व विकासामुळे आळस आणि, अनुत्साह आणि निरसतेमध्ये अडकलेली व्यक्ती कार्यक्षम, उत्साही, प्रसन्न आणि आपल्या ध्येयाने प्रेरित व्यक्ती बनते.या साठी महाविद्यालयामध्ये विद्यार्थिनींना व्यक्तिमत्व विकासाबद्दल महत्व सांगितले जाते. व्यक्तिमत्व विकासामुळे तुम्हाला तुमच्या जीवनात जे काही हवे आहे ते मिळविण्यासाठी तुम्हाला आत्मविश्वास आणि कार्यक्षमता मिळते आणि चेहऱ्यावर कधीही न लोपणारे स्मित येते. याच्यामुळे तुमच्याकडे पाहणाऱ्या लोकांना तुमच्यासारखे होण्याची प्रेरणा मिळते.

विद्यार्थ्यांच्या प्रगतीचा ध्यास घेतलेल्या आमच्या विद्यालयात शालेय, त्याचबरोबर सहशालेय उपक्रम मोठ्या प्रमाणात राबवले जातात. त्याचबरोबर भावी काळातील प्रशासकीय परीक्षेच्या दृष्टीने UPSC MPSC ची तयारी याबाबत तज्ञ मार्गदर्शकांकडून मार्गदर्शन केले जाते.भौतिक सुविधा व त्याच बरोबर शैक्षणिक गुणवत्ता विद्यार्थिनींच्या कलागुणांना वाव देणारे शालेय व सह शालेय उपक्रम व कौशल्याची व्यासपीठ निर्माण करणारे केंद्र म्हणून हे विद्यालय नावारूपास आले आहे. विद्यार्थिनींना केवळ पुस्तकी किडे न बनवता पुस्तकी ज्ञानाबरोबर शारीरिक, बौद्धिक तसेच त्यांच्या कलागुणांना चांगला वाव मिळावा, आत्मविश्वास आणि निर्णय घेण्याची शक्ती विकसित करणे हेच कन्या प्रशालेचे उद्दिष्ट आहे.

जीवनामध्ये खेळालासुध्दा महत्व आहे. कारण शारिरीक क्षमतेबरोबरच व्यक्तितील इतर महत्वाच्या गुणांचा विकास खेळामुळे घडतो. बहुतेक लोक खेळाकडे मनोरंजन व शारीरीक व्यायाम या दृष्टीकोनातून पाहतात. खरे पाहता खेळामुळे व्यक्तितील इतर सुप्त गुण सुध्दा विकसित होत असतात. म्हणूनच व्यक्तिमत्व विकासात शारीरीक क्षमता वाढवताना खेळाला महत्व दिले पाहिजे.खेळामुळे खिलाडूवृत्ती वाढीस लागते. त्याचा फायदा त्या व्यक्तीबरोबरच देशाच्या विकासासाठीही होतो.

"शिक्षक आपल्या घरी" ह्या नाविन्यपूर्ण उपक्रमांतर्गत इ. ५ वी ते १२ वी च्या विद्यार्थिनींच्या घरी (इस्लामपूर शहर व परगावी) शिक्षक भेट देऊन पालकांशी भेट संपर्क करून विद्यार्थिनींच्या सर्वांगीण विकासासाठी प्रयत्न केला जातो.